本月雜感

好耐冇寫，呢排太忙啦。
之前既名模故事，中途轉陣，把我折騰得寖食難安。工作壓力再一次湧現，工作壓力大+窮，係對我非情愛的天下裡最苦的事。街唔想出，野唔想食，連女孩子都不欲見！幸好最好關頭，我憑住我僅有既天才，摸出一個方向來！當堂，成個鬆晒。
要特別一提，我爸媽真的天下間最好的爸媽，正所謂“有佢地，我比誰都強！”老豆我愛你。
蔡小姐的肚一日比一日大，見到她我已經永遠保持心頭空白一片，只管那刻的超現實快活。活在當下的最高鏡界，因現在目睹的一切都超現實，將來的日子更加係超超現實。
呢個月，身邊太多朋友感情出現問題，各樣的配搭都有，男的有異，女的變心，性格不合，你埋我怨。我得出結論，就係———作為男人！send比其他女既sms一定要delete啦，呢d對女友基本尊重來啦，有咩可能會衰架！幾單都係衰sms，哈哈。（笑）說真，我只能夠講：係你既就係你既，有既就要珍惜啦！引用一句說話：兩個人一起，就像搞生意———創業難，守業更難，結業更加難！所以有得搞就繼續搞啦，冇得搞既都唔駛恨啦。
忽然寫一句新詩：
你對愛情已經茫然，但願，愛情對你冇茫然。

我要講，我部車買左好鬼貴，但我好x驚！因為我駕駛執照得返四分！！尋晚，我又衝左個燈，好驚比人停牌啊！！！！激死！i love driving~~我竟然為左咁去祈禱…當然有祈好多其他野啦。